Cover Letter ဆိုတာဟာ resume သို့မဟုတ် CV တို့နဲ့ တွဲပြီးတင်ရလေ့ရှိတဲ့၊ တစ်နည်းအားဖြင့် အလုပ်ရှင်က ကိုယ့်ကိုအလုပ်ခန့်ချင်လာအောင် ကိုယ့်ရဲ့လုပ်ငန်းအတွေ့အကြုံ၊ အစွမ်းအစနဲ့ လုပ်ရည်ကိုင်ရည် ပညာအရည်အချင်းတွေကို အက်ဆေးလိုမျိုး ဖွဲ့ကာနွဲ့ကာ အသားပေးရေးရတဲ့ စာဖြစ်ပါတယ်။ အလုပ်ရှင်ထံလိပ်မူတပ်ပြီး အလုပ်လျှောက်သူမြောက်မြားစွာထဲကမှ ကိုယ့်ကိုဘာကြောင့်ရွေးသင့်တယ်၊ ကိုယ်ဟာ သူများတွေထက် ဘာတွေများ ထူးခြားသာလွန်နေတယ်ဆိုတာတွေကို ဒီစာကိုဖတ်မယ့်အလုပ်ရှင်တွေ ဆွဲဆောင်မျောပါသွားနိုင်အောင်၊ ကိုယ့်ကို အင်တာဗျူးချက်ချင်းခေါ်ချင်လောက်အောင် ရေးရတဲ့စာဖြစ်ပါတယ်။
